გიორგი 46 Posted January 21, 2012 Report Share Posted January 21, 2012 ქართლი ამ თემაში საქართველოს გულის, ქართლის შესახებ დავტოვოთ ინფოები. ციტირება Link to post Share on other sites
ebaneba 3 Posted January 25, 2012 Report Share Posted January 25, 2012 ქართლი მხარე აღმოსავლეთ საქართველოში. სახელწოდება მომდინარეობს იმ მთისაგან, სადაც ლეონტი მროველის ცნობით დაემკვიდრა ქართველთა ლეგენდარული ეთნარქი - ქართლოსი. მთა “ქართლი” იქცა ქალაქ “ქართლად” (მოიცავდა მცხეთას და წიწამურს), შემდეგ შეიქმნა “დიდი ქართლი”, აქედან კი სახელწოდება მთელ მხარეზე გავრცელდა. ეთნიკურ-გეოგრაფიულად ელინისტური ხანიდან მოყოლებული ქართლი ორ ნაწილად იყოფოდა: ზენა სოფელი და ქვენა სოფელი. სავარაუდოდ ამ ერთეულთა შორის მიჯნა მტკვარზე გადიოდა. მოგვიანებით, ისტორიული ქართლი გეოგრაფიული მდებარეობისა და უმთავრესი მდინარის მტკვრის დინების მიხედვით სამ ნაწილად იყო გაყოფილი: ზემო ქართლი - მხარე მტკვრის ზემო დინებაზე. მასში შედიოდა ტაო, კლარჯეთი, კოლა, არტაანი, შავშეთი, სამცხე, ჯავახეთი, თორი. ტერმინი შეესაბამება გვიანდელი ხანის “მესხეთს”. შიდა ქართლი - მხარე მტკვრის შუა დინებაზე, ცენტრით ქალაქ გორში. მხარის ჩრდილოეთ ნაწილში საბჭოთა ხელისუფლების წლებში შეიქმნა სამხრეთ ოსეთის ავტონომიური ოლქი. ქვემო ქართლი - მხარე მტკვრის ქვემო დინებაზე, ცენტრით ქალაქ რუსთავში. იგი მოიცავს ისტორიულ მხარეებს: სკვირეთი, თრიალეთი, სომხითი, საბარათიანო, დბანისხევი და სხვა. ქართლის ტერიტორია ძვ.წ. IV საუკუნიდან ქართლის (იბერიის) სამეფოში შედიოდა, რომლის დედაქალაქი ჯერ მცხეთა იყო, შემდეგ თბილისი. X საუკუნეში იგი გაერთიანებული ქართული სახელმწიფო ცენტრი გახდა. XV-XVIII საუკუნეებში აქ ჩამოყალიბდა ქართლის სამეფო (მოგვიანებით, ქართლ-კახეთის სამეფო), რომელიც 1801 წელს ინკორპორირებულ იქნა რუსეთის იმპერიის მიერ. დღევანდელი ადმინისტრაციულ-პოლიტიკური დაყოფით ისტორიული ქართლის ტერიტორია შედის შიდა ქართლის, ქვემო ქართლის, მცხეთა-მთიანეთის და სამცხე-ჯავახეთის მხარეებში. ციტირება Link to post Share on other sites
ebaneba 3 Posted January 25, 2012 Report Share Posted January 25, 2012 ზემო ქართლი — მხარე საქართველოში: ასე ეწოდებოდა XVI საუკუნემდე საქართველოს სამხრეთ-დასავლეთ ნაწილს — მტკვრის ზემოთს ტაშისკარიდან მდინარე მტკვრის სათავემდე და ჭოროხის აუზის ზემო წელს. ეს ტერმინი წყაროში პირველად XII საუკუნეში იხსენიება, მაგრამ გაცილებით ადრინდელი უნდა იყოს. ლეონტი მროველის (XI ს.) მიხედვით, ზემო ქართლი ქართველთა ლეგენდარული მამამთავრის ქართლოსის უფროსი ძის მცხეთოსის შვილების ოძრხოსის და ჯავახოსის წილხდომილი მხარეა. იგი მესხების და ჯავახების თავდაპირველი განსახლების ტერიტორიაა. ანტიკური წყაროების მიხედვით (სტრაბონი), ამ ტერიტორიას "მოსხიკე" (ქართულად: მესხეთი) ეწოდებოდა. ზემოქართლში შედიოდა შემდეგი ერთეულები: სამცხე, ჯავახეთი, ერუშეთი, არტაანი და კოლა — მტკვრის ზემო წელზე: კლარჯეთი, შავშეთი, ტაო, სპერი — ჭოროხის ზემო წელზე. VIII-IX საუკუნეებში ზემო ქართლის ტერიტორიზე ჩამოყალიბდა ქართველ ბაგრატიონთა საკურაპალატო (IX საუკუნის დასასრულიდან — სამეფო). XII-XIII საუკუნეებში ამ მხარის ფეოდალური მფლობელები იყვნენ თორელები, ჯაყელები, ფანასკერტელები. XV საუკუნის II ნახევარში ჯაყელების საგვარეულოს მეთაურობით ზემო ქართლი დამოუკიდებელ სამთავროდ (სამცხე-საათაბაგო) ჩამოყალიბდა, რომლის ცენტრიც ახალციხე იყო. XVI საუკუნეში ეს ტერიტორია თანდათან ოსმალეთმა დაიპყრო და აქ თავისი ადმინისტრაციული ერთეული -ახალციხის საფაშო შექმნა. XVI საუკუნიდან ასე ეწოდებოდა ძვ. შიდა ქართლის ტერიტორიას, უფრო მის ჩრდილოეთ-დასავლეთ ნაწილს. ვახუშტის მიხედვით XVIII საუკუნეში შიდა ქართლი შეადგენდა მეორე სასპასპეტოს, რომლის ცენტრი გორი იყო. ციტირება Link to post Share on other sites
ebaneba 3 Posted January 25, 2012 Report Share Posted January 25, 2012 ქვემო ქართლი საქართველოს ისტორიულ-გეოგრაფიული მხარეა, ქართლის ერთი ნაწილი. იგი შემოსაზღვრული იყო თრიალეთის, ჯავახეთისა და ბამბაკ-ერევნის ქედებით. სხვადასხვა პერიოდში მისი კუთხეები სხვადასხვა სახელებით იხსენიებიან (თრიალეთი, გაჩიანი, გარდაბანი, ტაშირი, აბოცი, ბამბაკი), რომელთა შინაარსი ხშირად იცვლებოდა. ამავე ტერიტორიაზე იქმნებოდა სხვადასხვა სახელმწიფოებრივი წარმონაქმნები, რომლებიც საცილობელი ხდებოდა მეზობელ ქვეყნებს შორის. მათ შორის აღსანიშნავია: სამშვილდის და ხუნანის საერისთავოები, თბილისის საამირო, ტაშირ-ძორაგეთის სამეფო, კლდეკარის, ლორის, გაგის საერისთავოები, საბარათიანო. ქვემო ქართლის ტერიტორია უძველესი დროიდანვე ქართველური ტომებითი იყო დასახლებული, რომელთა ხანგრძლივი ურთიერთკავშირისა და ურთიერთშერწყმის შედეგად წარმოიშვა ქართველი ხალხი. აქ მოსახლე ტომებიდან წყაროები იცნობენ გუგარებს, იგივე გოგარებს. მათგან მოდის ისტორიული პროვინციის - გოგარენეს სახელწლდება. სავარაუდოა, რომ მათ გვერდით ცხოვრობდნენ ასევე სომხური ტომებიც. მტრების გამუდმებული თავდასხმების გამო XIII საუკუნიდან მოყოლებული ქვემო ქართლი თანდათანობით დაიცალა მკვიდრი მოსახლეობისაგან. მათი დიდი ნაწილი მტერს შეეწირა, ნაწილი კი საქართველოს სხვა კუთხეებში გაიხიზნა. მათ ადგილს უცხოტომელები იკავებდნენ, რაც განაპირობებს ამ მხარის ეთნიკურ სიჭრელეს. თანამედროვე ადმინისტრაციულ-ტერიტორიული დაყოფით ქვემო ქართლი შედის ქვემო ქართლის მხარეში და მოიცავს ბოლნისის, გარდაბნის, დმანისის, თეთრი წყაროს, მარნეულისა და წალკის რაიონების ტერიტორიებს. ციტირება Link to post Share on other sites
ebaneba 3 Posted January 25, 2012 Report Share Posted January 25, 2012 შიდა ქართლი არის ისტორიულ-გეოგრაფიული მხარე აღმოსავლეთ საქართველოში, ქართლის ერთი ნაწილი. მისი ადრინდელი სახელია ზენა სოფელი. შიდა ქართლი ისტორიულად მოიცავდა ტერიტორიას, რომელიც შემოფარგლული იყო: აღმოსავლეთით - არაგვით, ჩრდილოეთით - კავკასიონით, დასავლეთით - ლიხის ქედით, სამხრეთით - თრიალეთის ქედით. შიდა ქართლის მტკვრის სამხრეთით მდებარე ნაწილს გაღმამხარს უწოდებდნენ. მასზე გამავალი მდინარეები - ძამა, ტანა, თეძამი და კავთურა ქვედა წელში მცირე დაბლობებს ქმნიან, ხოლო მტკვრის ჩრდილოეთით დოღლაურის, ტირიფონის და მუხრანის ვრცელი ველებია, რომლებსაც სერავს მდინარეები: აღმოსავლეთის ფრონე, ლიახვი, ლეხურა, ქსანი და არაგვი. შიდა ქართლის მდინარეების უმრავლესობა უძველესი დროიდანაა სარწყავად გამოყენებული. ვრცელი დაბლობები და საზაფხულო და საზამთრო საძოვრები ქმნიდნენ ინტენსიური მიწათმოქმედების და მესაქონლეობის განვითარების შესაძლებლობას. აქ გადიოდა მნიშვნელოვანი სავაჭრო-სატრანზიტო გზები, როგორც ჩრდილოეთიდან სამხრეთისაკენ (ე.წ. არაგვის გზა), ისე აღმოსავლეთიდან დასავლეთისაკენ. ამან ხელი შეუწყო გზის გასწვრივ ქალაქების ჩამოყალიბებას: მცხეთა, მუხრანი, გორი, ურბნისი და სხვა. შიდა ქართლის ბუნებრივმა პირობებმა და მისმა გეოგრაფიულმა მდებარეობამ განსაზღვრეს ის როლი, რომელიც ამ რეგიონმა შეასრულა ქართული სახელმწიფოებრიობის ისტორიაში. ადრინდელ და შუა ფეოდალურ ხანაში შიდა ქართლის ტერიტორია ქართლის საერისთავოში შედიოდა. მონღოლთა შემოსევების შემდეგ მას გამოეყო ქსნის საერისთავო (XIII ს.), შემდეგ კი სხვა დიდი და მცირე ერთეულები: არაგვის საერისთავო (XIV ს.), საციციანო (XIV ს.), საამილახვრო (XV ს.), საჯავახო (XV ს.), სამაჩაბლო (XV ს.), სამუხრანბატონო (XVI ს.). XVI საუკუნიდან ქართლის სამეფო დაიყო ოთხ სამხედრო-ადმინისტრაციულ ერთეულად - სადროშოდ, რომელთაგან სამი ჩამოყალიბდა შიდა ქართლის ტერიტორიაზე. საქართველოს რუსეთთან შეერთების ეს მიწები თბილისის გუბერნიის გორისა და დუშეთის მაზრებში შედიოდა. თანამედროვე ადმინისტრაციულ-ტერიტორიული დაყოფით ისტორიული შიდა ქართლის ტერიტორიის დიდი ნაწილი შიდა ქართლის მხარეში შედის, მცირე ნაწილი - მცხეთა-მთიანეთის (მცხეთა, ახალგორი) და სამცხე-ჯავახეთის მხარეებში (ბორჯომი). ამჟამად შიდა ქართლის ჩრდილოეთი ნაწილი ე.წ. “სამხრეთ ოსეთის რესპუბლიკის” სეპარატისტული რეჟიმის მიერ კონტროლირებად ანკლავს წარმოადგენს. ციტირება Link to post Share on other sites
DMORAL 36 Posted April 17, 2012 Report Share Posted April 17, 2012 გასულ პარასკევს (13 აპრილი) ქუთაისში დავესწარი მამა არჩილის ჩატარებულ წირვას, რის შემდეგაც გავეცანი და ცოტა ვისაუბრეთ. მეორე დღეს, შაბათას ისევ სათევზაოთ ვაპირებდი წასვლას ზღვისპირეთში, ლევანიც სტარტზე იყო. ჩემი ეს განზრახვა მამა არჩილს გავანდე. გასაგები მიზეზების გამო, მირჩია თევზაობის აღდგომის შემდეგ გადადება და ამისთვის მისი დიდად მადლობელი ვარ! შედეგად აღდგომის ღამე და დილა მდ.ძამას ხეობაში, კოდმანის მონასტერში, გავატარე. ციტირება Link to post Share on other sites
DMORAL 36 Posted April 17, 2012 Report Share Posted April 17, 2012 ციტირება Link to post Share on other sites
BROWNING 349 Posted April 18, 2012 Report Share Posted April 18, 2012 როგორც დმორალმა მითხრა, 20-ზე მეტი მონასტერი ყოფილა ძამას ხეობაში. არაა ჩვენი სულიერი სიმდიდრე?! თან რა ულამაზესი ადგილებია მაქეთ. ციტირება Link to post Share on other sites
mgelika 0 Posted October 6, 2012 Report Share Posted October 6, 2012 ეჰ ჩემი თემა (ჩემი ქართლი) ნეტა სად დაიკარგა ციტირება Link to post Share on other sites
გიორგი 46 Posted October 6, 2012 Author Report Share Posted October 6, 2012 ეჰ ჩემი თემა (ჩემი ქართლი) ნეტა სად დაიკარგა რაღაც ნაწილის გადმოტანა მოვახერხეთ, დანარჩენი ისევ ჩვენ უნდა აღვადგინოთ და დავამატოთ, ესეა მგელო. ციტირება Link to post Share on other sites
kopala72 67 Posted December 5, 2012 Report Share Posted December 5, 2012 რაღაც ნაწილის გადმოტანა მოვახერხეთ, დანარჩენი ისევ ჩვენ უნდა აღვადგინოთ და დავამატოთ, ესეა მგელო. გიორგი ეს ჩემგან, რუისის სურათები. ტელეფონითაა გადაღებული,ხარისხი მთლად კარგი ვერაა, ციტირება Link to post Share on other sites
გიორგი 46 Posted December 5, 2012 Author Report Share Posted December 5, 2012 (edited) ბოლოს 2005-ში ვიყავი მანდეთ. წამოსვლისას ფეხით გამოვიარე ნახევარი სოფელი, დიდია ეგ დალოცვილი. მაგ უბანს, რომელიც სურათებზე სჩანს წინუბანი ჰქვია. მადლობა სოსო, ჯიგარი გამითბა და ცოტაც ავფორიაქდი. რადაც არ უნდა დამიჯდეს, უნდა ჩამოვიდე. სუნი მომენატრა. ჰოოო, სუნი აქვს ყველაფერს. მშობლიურ ქვეყანას სუნი აქვს ბიჭებო, თანაც განსაკუთრებული და შეუდარებელი. Edited December 5, 2012 by ელჩი ციტირება Link to post Share on other sites
BROWNING 349 Posted December 5, 2012 Report Share Posted December 5, 2012 თავკვერი, ატენური, ჩინურა.... : ციტირება Link to post Share on other sites
გიორგი 46 Posted January 23, 2013 Author Report Share Posted January 23, 2013 (edited) რუისის ფერისცვალების/ღვთისმშობლის/ საკათედრო ტაძარი. VIII-IX საუკუნე. http://ka.wikipedia.org/wiki/რუისი_(ტაძარი) Edited January 23, 2013 by ელჩი ციტირება Link to post Share on other sites
paraskeva 30 Posted March 31, 2013 Report Share Posted March 31, 2013 ქართლს ვაჟა-ფშაველა ქართლო, დარდების ამშლელო, გულ-მაგარ ძეთა მხარეო! რო გნახე, გული აძგერდა, ფიქრი მეწვია მწარეო. არა ვსთქვა, ისა სჯობია, გულშივე დარჩეს ბარეო. დავჯე, დავიწყე ტირილი, ცხარე ცრემლები ვღვარეო. ათას დარდებში გამხვიე, ლამაზო არე-მარეო!.. ტირილით რაღას ვუშველი, ფიალაც გამოვცალეო. შენგან აღძრულსა ფიქრებსა ვეთაყვან-ვენაცვალეო. გაღმით რომ გორიჯვარია, საოცნებოა რამეო. გორის თავს გალავანია, დიდს მთის კლდეს შევადარეო; ბევრი უნახავს ვაება, ცრემლი და ომი ცხარეო; რა დამავიწყებს იმ წამსა, როს დაჰნათოის მთვარეო! ეამბნა ჩემთვის რაცა მკლავს, ლიახვსაც ვემუდარეო, მტკვართან აქვს მტკიცე კავშირი, ურყევი, დაუმცდარეო; მათ ზიარი აქვთ სიცოცხლე ერთი-სხვის გასახარეო. რა ვნახე იმათ ძმობაი, ცრემლები გადმოვღვარეო. ტირილით ვეღარ ავავსებ, ფიალა გამოვცალეო. შენგან აღძრულსა ფიქრებსა ვეთაყვან-ვენაცვალეო! 1912 წ. ციტირება Link to post Share on other sites
paraskeva 30 Posted March 31, 2013 Report Share Posted March 31, 2013 გიორგი ლეონიძე წიგნი „ქართლის ცხოვრება“ გაშალე... ყველა ფურცელი არის ფოლადის ნაცარი, დამსხვრეულ ხმალთა ჟღრიალი, დევკაცთა ნამამაცარი. გაშალე... ყველა ფურცელი გულზე ნაწოლი ლოდია... დოლბანდიანი ჯარები სიკვდილის პირით მოდიან. შავი დროშები ნისლივით სამშობლოს დაეფინება, ხმალს სისხლის ორთქლი აუვა სიკვდილით დაიკბინება... საფლავად გაემზადება ციხე-გალავნის თხრილები, - ქალი და ბავშვი აწყვია კოშკიდან გადმოყრილები. ისმის ტყვეების ჟღივილი კვამლში ბღავიან ხარები... ქერქებგახდილი ხეები, დამწვარი ნასახლარები... და რაც თმას ყალყზე აყენებს, რაც მწარედ გვემახსოვრება, - ქართლის მკვლელობის ძველ ამბებს უწოდეს „ქართლის ცხოვრება“! 1928 ციტირება Link to post Share on other sites
paraskeva 30 Posted April 5, 2013 Report Share Posted April 5, 2013 ქართლის გზაზე ჰეი, ძმობილო, შეხედე, რამდენი ყაყაჩო გაშლილა, რაც უფლის ციხეს გამოვცდით, უფრო და უფრო გახშირდა; მინდვრებს, გორაკებს, ფერდობებს ეფინება და ედება, გზაში ყაყაჩოს შეხვედრა სიკეთედ დაგვებედება: სულ ახალგაზრდა ვიქნებით, გული არ დაგვიბერდება! ჰეი, ძმობილო, შეხედე, რამდენი ყაყაჩ გაშლილა, რაც უფლისციხეს გამოვცდით, უფრო და უფრო გახშირდა; მოდი, ჩვენ ესეც ვიკმაროთ და სხვა დიდება არ გვინდა, ყაყაჩომ თუ მოგვანათოს ლამაზი ქალის შუქითა. ციტირება Link to post Share on other sites
kopala72 67 Posted June 24, 2013 Report Share Posted June 24, 2013 ხაშურის რ-ნი სოფელ ცხრამუხის სამხრეთით მოსაზღვრე თრიალეთის ქედი. ციტირება Link to post Share on other sites
kopala72 67 Posted November 22, 2013 Report Share Posted November 22, 2013 (edited) კოდისწყაროს ტბა,ხაშურის რ-ნი,ხაშურიდან სამხრეთ-დასავლეთით,თრიალეთის ქედზე. პირველი სურათი გადაღებულია აღმოსავლეთიდან დასავლეთის მიმართულებით. მეორე,დასავლეთიდან აღმოსავლეთისკენ,პირველ სურათზე მონიშნული ადგილიდან. Edited November 22, 2013 by SOSO K. ციტირება Link to post Share on other sites
paraskeva 30 Posted September 22, 2014 Report Share Posted September 22, 2014 მიხეილ ჯავახიშვილი – „ჯაყოს ხიზნები" ,,როცა ქართლი ძლიერი იყო , საქართველოც ძლიერი იყო" ,,გადახედე დღევანდელ ქართლს! უწინდელი ქართლისა მეოთხედიც აღარ არის, მას ჩამოეცალნენ სამცხე და საათაბაგო, ართაანი, ჯავახეთი, ტაშირი, მცირე სომხეთი, აბოცი, ბამბაკი, ბორჩალო, ყაზახი და ტფილისის მოდამოები. ახლა ყველანი ცალ–ცალკე სცხოვრობენ.ისტორიამ დაანგრია ძველი ქართლი. ვინ არ გადმოიარამის ზურგზე, მთელი ქვეყნისათვის შარა გზად გადაიქცა. როცა ქართლი ძლიერი იყო , საქართველოც ძლიერი იყო. ქართლი დაეცა საქართველოც დასუსტდა. ყოველ ქვეყანას აქვს თავისი პრუსია და ჰყავს პრუსიელები, რომელნიც ხალხის ცხოვრებაში დუღაბის მაგივრობას ასრულებენ. გერმანია პრუსიელებმა შექმნეს, რუსეთი მოსკოველებმა მოაგროვეს, დიდი ბრიტანეთი უელსის საჰერცოგომ ააშენა, რომის იმპერიის ისტორია თვითონ რომისა და კაპუას ისტორიას უდრის, ხოლო ძველი საბერძნეთი ათინამ და ატიკამ ააყვავეს. ასეთივე როლი დააკისრა ბედმა ქართლსაც. მისი ისტორია საქართველოს ისტორიის ნახევარს მაინც უდრის. ქართლი იყო საქართველოს პრუსია, ხოლო ქართლელნი ქართველთა ტომის პრუსიელნი იყვნენ. საქართველოს პრუსია აღარ აქვს და არც პრუსიელები ჰყავს. საწყალი ქართლი! იგი მაგონებს დაბერებულს, ქაჩალს, უკბილოს, ბრუციანს და დაყრუებულ ნაკაცარს, რომელსაც ჭამის და განძრევის შნოც აღარ აქვს. წელში გასწყდა ქართლი!" ციტირება Link to post Share on other sites
courage 2 Posted December 20, 2014 Report Share Posted December 20, 2014 ქვემო ქართლი, გარდაბნის აღკვეთილი. მსგავსი სილამაზე პირველად ვნახე, ულამაზესი კორომები. ფრინველების მშვიდი თავშესაფარი, ზემოდან დავჩერებოდი იხვებს სამწუხაროდ მეტი სურათი ვერ გადავიღე. პ.ს. დაცული ტერიტორიების თემა არ გვაწყენდა ციტირება Link to post Share on other sites
BROWNING 349 Posted December 20, 2014 Report Share Posted December 20, 2014 სადრაც გვქონდა თემა მეურნეობებზე და დაცულ ტერიტორიებზე. ციტირება Link to post Share on other sites
BROWNING 349 Posted June 16, 2015 Report Share Posted June 16, 2015 რუისში ღვთისა და სამშობლოს ერთგული ხალხი ცხოვრობს http://karibche.ambebi.ge/skhvadaskhva/chemi-sofeli/1270-ruisshi-ghvthisa-da-samshoblos-erthguli-khalkhi-ckhovrobs.html http://karibche.ambebi.ge/skhvadaskhva/chemi-sofeli/1269-ruisi.html ციტირება Link to post Share on other sites
courage 2 Posted June 16, 2015 Report Share Posted June 16, 2015 ჩემი ქვეყანა ძალიან მიყვარს, მაგრამ ქართლი და ქართლელები განსაკუთრებით. ციტირება Link to post Share on other sites
gube 20 Posted June 16, 2015 Report Share Posted June 16, 2015 ქართლი? ქართლი ერთმა კაცმა შემაყვარა ომარი მერაბიშვილი ერქვა ბავშვობიდან მე45 კლასიდან ვიცნობდი და ოჯახისწევრებზე მეტ დროს მასთან ვატარებდი ეს იყო დიდი სულის ადამიანი რომელსაც შეეძლო უბრალო ღლაპი დიდ ჩემპიონად ექცია ჯარის შემდეგ დასახლდა ქუთისში ისე სოფელ ხოვლედან იყო წარმოშობით 2 ოლიმპიური ჩემპიონის(დიდი დავით ხახალეიშვილის და ირაკლი ცირეკიძის) და ბევრი მსოფლიო ევროპის მასტერსის და მსოფლიო თასების გამარჯვებულების აღმზრდელი იყო,სამწუხაროდ ირაკლის გაოლიმპიელებას ვერ მოესწრო,,, სხვა არც ვიცი თუ მყავს ვინმე ქართლელი ახლობელი ისე კი იქნებოდენ ზბორებზე ქართლი ხო ჭიდაობის გულია საქართველოსი... იმ ზბორზე 7 ვიყავით ჩემი დარბაზიდან ეს 90იანების მერე ამხელა წარმატება არ ქონია ჩვენ დარბაზს მარა სცორედ მაშინ დაგვწყვიტა გული... ომარ მერაბიშვილი ჩემი მასწავლებელი ციტირება Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.