Gurulo 154 Posted January 21, 2012 Report Share Posted January 21, 2012 Dickson & MacNaughton შოტლანდიელი მეიარაღეების რიგში ერთ-ერთი გამორჩეულია მამა-შვილი დიქსონები. ამ პლიადაში პირველი წამომადგენელი ჯონი იყო, რომელმაც თავისი კარიერა 12 წლის ასაკში დაიწყო ედინბურგელ ოსტატთან ჯეიმს უოლესთან. ჯონ დიქსონმა თავისი ფირმა ოფიციალურად დააარსა 1820 წელს. თავისი დამღით ამ ფირმამ პირველი თოფი 1854 წელს გამოუშვა. მე-19 საუკუნის ორმოცდაათიან წლებში ედინბურგი ბრიტანეთის იარაღთწარმოების ცენტრი გახდა და დიდი იყო კონკურენციაც. ამ ეტაპზე ფირმა ჯოზეფ ბრაზიეს, პერდეს და ვესტლი რიჩარდსისაგან ნაყიდი პატენტებით მუშაობდა. 1875 წელს ბედისწერამ დიქსონი განსაკუთრებულ კლიენტთან დააკავშირა, ეს იყო ჩარლზ გორდონი, შოტლანდიელი ჰერცოგი(გორდონის ჯიშის სეტერები ხომ გახსოვთ?!), რომელმაც 1875-1906 წლებში ფირმას შეუკვეთა 300 თოფი. ამ თოფებში არც ერთი არ იყო ერთნაირი ნეკეთობა. ასეთი კლიენტი რომ შეენარჩუნებინათ მამა-შვილი დიქსონები იძულებულნი იყვნენ მუდმივ ძიებაში ყოფილიყვნენ. 1880 წელს შვილმა-დიქსონმა შექმნა ახალი სასხლეტ-დამცემი მექანიზმი Round Action, რომელიც დააპატენტა 1882 წელს. ხუთი წლის შემდეგ მანვე დააპატენტა ეჟექტორული მექანიზმი, რომელიც იძაბება თოფის დაკეტვისას. ამით დაიწყო გლუვლულიანი თოფის ახალი ერა. გამოგონება განუმეორებელია საიმედოობით, ბრწყინვალებითა და რესურსით. ეს სისტემა მარტივი და ეფექტური აღმოჩნდა, რამაც ფირმის ელიტაში გადასვლა გამოიწვია. სისტემამ საუკუნით გაუსწრო დროს. სასხლეტ-დამცემი მექანიზმი Round Action მოთავსებულია კალაპოტის კოლოფში(Round Body), რომელიც თავის მხრივ ჩასმულია მრგვალი ფორმის კონდახის ყელში. ასეთი სინატიფის შექმნა მხოლოდ უმაღლესი კლასის ოსტატს შეეძლო. სურათზე: ზემოთ Round Body ქვემოთ Round Action საზოგადოდ მექანიზმი სწრაფი მოქმედებით, სიმყარით, საიმედოობით, სასხლეტების დაშვების რეგულირებითა და დაშლა-აწყობის სიმარტივით ფასდება. ყველა ამ მაჩვენებლით Round Action სისტემა უმაღლეს შეფასებას იმსახურებს. ეს სისტემა განსაკუთრებით მისადაგებული აღმოჩნდა დიდი ყალიბის მსუბუქი თოფებისათვის. მეოცე საუკუნის დასაწყისში დიქსონის თოფები(70სმ სიგრძის ლულებით) იწონიდა 2,7 კგ-ს, ხოლო ახლა მათი წონა 2,5 კგ-ს არ აღემატება(უფრო მყარი მასალის ხარჯზე). მეოცე საუკუნის ბოლოს მოწინავე ტექნოლოგიებით შეიარაღებულმა ოსტატებმა გადაწყვიტეს გაეუმჯობესებინათ ეს სისტემა, თუმცა მექანიზმის მრავალმხრივმა შესწავლამ დაადგინა, რომ ნებისმიერი გადახვევა ან გადახრა იმდროინდელი სქემა-ნახაზებიდან ვერ აუმჯობესებს სისტემას. დიქსონებს ეკუთვნით სამლულიანი შედევრი(დაპატენტებულია 1882 წელს), რომელიც ასევე Round Body-ის კალაპოტსა და Round Action-ის სისტემაზეა დაფუძნებული. სპეციფიკა იმაში მდგომარეობს, რომ სამთავე ლულა ერთ სიბრტყეშია განლაგებული. თოფს წონა სამლულიანის პირობაზე ძალიან მსუბუქი აქვს და შეადგენს მხოლოდ 3,2 კგ-ს. ლულა დამასკური ფოლადისაა. გააჩნია ბრწყინვალე ბალანსი და განკუთვნილია ფრინველზე სანადიროდ. წინა ორი სასხლეტი განლაგებულია სახსარზე, რაც საშუალებას იძლევა სასხლეტი კავი გაიწიოს წინ შუა ან უკანა სასხლეტზე თითის განლაგებისას(უმაღლესი კლასის უსაფრთხოება!!!) ასეთი თოფი დამზადებულია მხოლოდ 11 ცალი. ყველა მათგანი 16 ყალიბისაა. ჩოკური შევიწროება: მარჯვენა_ცილინდრი, შუა_ნახევარჩოკი, მარცხენა_სრული ჩოკი. დიქსონების გვარის უკანასკნელი წარმომადგენელი ფირმას 1923 წლამდე ხელმძღვანელობდა. საგვარეულო საწარმოდ ფირმამ იარსება 1936 წლამდე, ხოლო შემდეგ გარდაიქმნა სააქციო საზოგადოებად. John Dickson & Son Ltd-მ შემოიერთა რამდენიმე ფირმა, მათ შორის ჯეიმს მაკ-ნოტონი (James MacNaughton), რომელიც Round Action-ის სისტემის საკეტების მწარმოებელია. 1999 წელს მაკ-ნოტონის შთამომავლებმა აქციების პაკეტი შეიძინეს და საწარმო Dickson & MacNaughton გახდა. ის წარმოადგენს წამყვან საწარმოს შოტლანდიაში. ციტირება Link to post Share on other sites
Gurulo 154 Posted December 4, 2012 Author Report Share Posted December 4, 2012 ტყუპები წარმოებულია 1891 წლის აგვისტოში. ეჟექტორზე, დამასკური ლულებით, ლულის სიგრძე 73სმ, წონა 3კგ; სერიული ნომრები 4459 და 4460. ციტირება Link to post Share on other sites
mamuka grigolia 0 Posted December 4, 2012 Report Share Posted December 4, 2012 დიქსონების ეს მრგვალი ფორმები განსაკუთრებით მხიბლავს,მაგარია,საქართველოში მგონი არც არის დაფიქსირებული!!!!!! ციტირება Link to post Share on other sites
Gurulo 154 Posted December 13, 2012 Author Report Share Posted December 13, 2012 James MacNaughton ნახეთ რა ფასი აქვს: 25000-30000 გირვანქა სტერლინგი ციტირება Link to post Share on other sites
mamuka grigolia 0 Posted December 13, 2012 Report Share Posted December 13, 2012 აუ ბიჯო,რა კუკლაა ნახე რა!!!!!! ციტირება Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.