Gurulo 154 Posted January 23, 2012 Report Share Posted January 23, 2012 Christoph Funk Suhl გერმანელმა მეწარმემ კრისტოფ ფუნკმა 1835 წელს ქალაქ ზულის ცენტრში დააფუძნა საიარაღო საამქრო. 1864 წელს მან ფაბრიკა ააგო და ცეცხლსასროლი იარაღის წარმოების მასშტაბები გაზარდა. 1890 წელს დამფუძნებელი ბიზნესიდან გავიდა, ხოლო აქედან 5 წელიწადში გარდაიცვალა. 1890-1895 წლებში ფირმის ხელმძღვანელის ვინაობა ისტორიას არ შემოუნახია. ფირმის არსებობის ისტორიაში მისი მფლობელი აუცილებლად ფუნკის გვარისა გახლდათ. 1895 წელს ფირმის მფლობელად ალფრედ და ოსკარ ფუნკები გვევლინებიან, ხოლო პირველი მსოფლიო ომის დასაწყისისათვის კი ოსკარ და ერნსტ ფუნკები. 1920-1939 წლებში საწარმო მხოლოდ ერნსტ ფუნკის საკუთრება იყო, ხოლო 1940- 1944 წლებში კი მისი შვილის, ემილ ფუნკის. ზულში ფუნკის გვარით რამდენიმე მეიარაღე მოღვაწეობდა, ამიტომ Christoph Funk-ის წარმომადგენლები ყოველთვის ხაზსგასმით აღნიშნავდნენ დამფუძნებლის სახელს. მეოცე საუკუნეში ფირმის აყვავება ერნსტ ფუნკის სახელთანაა დაკავშირებული, რომელსაც ცოლად ცნობილი გერმანელი ფაბრიკანტის კესლერის ქალიშვილი ყავდა. ნათესაურმა კავშირებმა წარმოების სფეროს ორგანიზაციაში ახალი ფორმები განაპირობა. 30-იან წლებში ფირმაში გამოჩნდა ექსპანსიური ვაზნების რამდენიმე მოდელი Funk Kupfermantelgeschosse და Funk-Gerl-Rekordgeschoss სახელებით. 1935 წელს ერნსტ ფუნკმა იყიდა ფაბრიკა NIMROD. ორი წლის შემდეგ ამ საწარმოს დირექტორად უფროსი ვაჟი ალფრედი დაინიშნა. მეორე მსოფლიო ომის დასრულების შემდეგ ომიდან დაბრუნებული მისმა უმცროსმა ვაჟმა, კარლ-ერნსტმა აღადგინა იარაღის წარმოება(ამ პერიოდში საწარმოში 30 ოსტატი მუშაობდა). 1972 წელს ფირმა Buhag-ის მეიარაღეთა გაერთიანებაში შევიდა და საკუთარი სახელით იარაღი აღარ უწარმოებია. ფუნკის თოფებს ახასიათებთ აწყობისა და გაფორმების ბრწყივნალე ხარისხი, საუკეთესო ბალისტიკური მაჩვენებლები, რაც გერმანული წარმოების თოფებში ტრადიციული მოვლენაა. ფირმა ხასიათდებოდა წარმოების მცირე ტირაჟითა და ცალობრივი დამზადებით. მაგალითად, 1924-1942 წლებში სულ გაკეთებულია 2300 ერთეული თოფი ანუ წელიწადში საშუალოდ 125 ერთეული. ციტირება Link to post Share on other sites
Gurulo 154 Posted January 27, 2014 Author Report Share Posted January 27, 2014 FUNK გამოშვებულია 1949 წელს; ყალიბი 12/70; ავტომატურ მცველზე; ლულის სიგრძე 74სმ; არხის დიამეტრი 18,5; ჩოკები 1,2-1,2; წონა 3,13კგ; ციტირება Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.