Gurulo 154 Posted January 23, 2012 Report Share Posted January 23, 2012 Jakob Reeb-ის თოფი მონარქისათვის უკანასკნელი გერმანელი იმპერატორი ვილჰემ მეორე ნადირობის დიდი ფანატი იყო. თანდაყოლილი ნაკლის გამო მას სრულფასოვნად არ შეეძლო თოფის დაჭერა(გართულებული მშობიარობის შედეგად ვილჰემ მეორე მოევლინა ამ ქვეყანას მარცხენა ხელის დეფექტითა და მხრის ნერვის გაწყვეტით). 1911 წელს სპეციალური იარაღი მონარქისათვის Jakob Reeb-ის ფირმამ დაამზადა. იარაღის სისტემა ინგლისშია დამზადებული, ხოლო აწყობა და ,,დაყვანა" გერმანიაში(ზულში) მოხდა. ეს ანტიკვარული ორლულიანი 20 ყალიბისაა(გამოსულია აგრეთვე 16 ყალიბისაც); ძალიან ელეგანტური, სადა შესახედია და იმთავითვე თვალშისაცემია ის დეტალი, რომ თოფს სასხლეტი კავები და ფარი არ გააჩნია!!! დასხლეტას აწარმოებს სასხლეტი ღილაკები, რომლებიც განლაგებულია კალაპოტის გაგრძელებულ კუდზე ზემოთ მხარეს და იმართება ცერა თითით. მცველის ფუნქციას ასრულებს დამცავი ფირფიტა( გადასახსნელი ბერკეტის გადაწევისას ფირფიტა წინ იწევს და სასხლეტი ღილაკები მიუწვდომელი ხდება) ლულის სიგრძე 75 სმ; სავაზნე 70მმ; შევიწროება ორთავე ლულისათვის 0,8მმ;კონდახი ფრანგული კაკლისაა; სერიული ნომერი 3033. ციტირება Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.