Gurulo 154 Posted January 23, 2012 Report Share Posted January 23, 2012 Kimber Of America, Inc. საიარაღო ფირმის შექმნის იდეა რამდენიმე მეგობარ მონადირეს 1979 წელს გაუჩნდა, როცა ისინი მთაში იყვნენ სანადიროდ. მათ გადაწყვიტეს, რომ დაამზადებდნენ მცირე ყალიბის კარაბინს, რომელიც მაღალი ხარისხის მასალის უნდა ყოფილიყო და საუკესოდ იქნებოდა დაყვანილი კონკრეტულ მონადირეზე. ასეთი თოფი(მოდელი 22) მართლაც დაამზადეს და მის შემდეგ საკმაოდ მალე მოიპოვეს აღიარება ამერიკისა და კანადის მონადირეთა წრეში. ფირმის პოპულარობა მზარდია, პროდუქციაზე მოთხოვნილება არასოდეს შემცირებულა. კიმბერის პროდუქციის გაცნობისას პირველი, რაც თვალში გვხვდება, გახლავთ მოკლელულიანი თოფების უზარმაზარი ასორტიმენტი. კომპანია 57 ნაირსახეობის მარტო პისტოლეტებს უშვებს. მაპროფილებელი პროდუქტი კი გახლავთ სპორტული და სანადირო თოფები. ბოლო წლებში მათ გლუვლულიანებიც შეემატათ. ხრახნილლუიანების ასორტიმენტი 2 ძირითად ჯგუფად იყოფა: მცირეყალიბიანები და მსხვილყალიბიანები. მცირეყალიბიანებში პოპულარულია Kimber 22, რომელიც ძალიან კარგი ბალისტიკითა და ბალანსით გამოირჩევა. ის გვერდითი აფეთქების ვაზნაზეა(პისტონზე) გათვლილი. აღსანიშნავია, რომ ნემსა საკეტის შუბლის ცენტრშია განლაგებული(ისევე როგორც ცენტრალური აფეთქების თოფებში), მაგრამ საკეტის ღერძი მდებარეობს სავაზნიდან ზემოთ, ამიტომ ნემსას დარტყმა ხდება პისტონის გვერდზე. Kimber 22 ერთ-ერთი ბოლო მოდელია Kimber 8400, რომელიც მაგნუმის ვაზნაზეა გათვლილი(შემოკლებული სიგრძის ვინჩესტერის ვაზნები). ყალიბები: .270 WSM, 7mm WSM, .300 WSM. მართალია ეს მოდელი კონვეიერული წარმოებისაა, მაგრამ გამოირჩევა საუკეთესო მაჩვენებლებით. კონდახი ამ თოფისათვის მზადდება როგორც კაკლის, ასევე პლასტიკატის. Kimber 8400 გლუვლულიანები ხრახნილებთან შედარებით ნაკლებადაა წარმოდგენილი ფირმის პროდუქციაში, მაგრამ მათი ხარისხი ძალიან მაღალია. გლუვლულიანებს საკიდი სარტყელი არ აქვთ. ერთ-ერთი მათგანია ,,აუგუსტა", რომელსაც ადგილზე აწყობს, ხოლო დეტალები იტალიიდან შემოაქვს. Kimber Augusta მოდელი Augusta გამოდის სპორტული და სანადირო მოდიფიკაციით 12 ყალიბზე. მას გააჩნია ვენტილირებადი შემაერთებელი და სამიზნე თამასები, ერთი სასხლეტი, კონდახი კაკლის. 2005 წლიდან კომპანიის ნაწარმში გამოჩნდა ახალი გლუვლულიანი 20 ყალიბის Valier, რომელსაც ლულათა წყობა ჰორიზონტალური აქვს. აღსანიშნავია რომ ამ მოდელს მთლიანად თურქეთში ამზადებენ, ამდენად მისი ამერიკული წარმოშობა მხოლოდ პირობითია. მისი საკეტები გვერდით დაფებზეა და ინსტრუმენტის გარეშე იხსნება. გააჩნია ორი სასხლეტი. ინგლისური ტიპის კონდახი მზადდება უმაღლესი ხარისხის კაკლისაგან. ინგლისური სტილის გრავირება ძალიან სადა და ელეგანტურია. ეს თოფი უმაღლეს კატეგორიაში გადის. Kimber Valier ციტირება Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.