Gurulo 154 Posted January 23, 2012 Report Share Posted January 23, 2012 Hambrusch ყველა დიდი მეიარაღე იმითაა განსაკუთრებული, რომ თავისი სტილი და გამორჩეული ხაზი აქვს... პეტერ ჰამბრუშმა(ავსტრია, ფერლახი) დაამზადა ორლულიანი, რომელშიც შერწყმულია კლასიკური ინგლისური და კონტინენტური იარაღის დეტალები. ამ თოფის ტექნიკურ თავისებურებას გვერდით დაფებზე განლაგებული მექანიზმი(HSSS) წარმოადგენს. თოფი განსაკუთრებულია თავისი გაფორმებითა და პრაქტიკული გამოყენებით. ის შექმნილია აფრიკული ნადირობისათვის და ამავე დროს ბრწყინვალედ შეიძლება იქნას გამოყენებული ნომრებზე ნადირობისას ან თუნდაც დათვზე. ერთი შეხედვით ეს თოფი ძველი ინგლისური სკოლის ნაწარმს მოგაგონებთ, თუმცა უფრო ახლოდან მისი დათვალიერებისას გასაგები ხდება, რომ ორლულიანი .450/400 N.E. ყალიბით უფრო დიდ შესაძლებლობებს იძლევა, ვიდრე უბრალოდ ინგლისური კლასიკა. ტყვიაზე გათვლილი ორლულიანი ხრახნილი თოფის სიზუსტით, ეს ნამდვილად შთამბეჭდავია!!! ალბათ დამეთანხმებით, რომ მექანიზმი რომელიც გარე ჩახმახსაც და ავტომატურ შემყენებლებს ერთ თოფში აერთიანებს, არც თუ ხშირად გვხვდება. თოფი აღჭურვილია კლასიკური პისტოლეტური კონდახითა და პერდეს ტიბჟირით. კონდახს აქვს გერმანული სალოყე და რეზინის ამორტიზატორი. ხის მასალა უმაღლესი ხარისხის კაკლის ფესვია. მცენარეთა გამოსახულებიანი გრავირება(მოოქროვების ჩათვლით) თოფის ნებისმიერ დეტალზე მხოლოდ უმაღლესი ეპითეტებით შემკობის ღირსია. თოფს გააჩნია ჰოლანდის ეჟექტორები. ლულათა სიგრძე 61 სანტიმეტრია; მთლიანი სიგრძე 103,5 სმ; წონა 5,1 კგ; ლულის შიდა დიამეტრი 27მმ-დან 14,5 მმ-მდე ვიწროვდება. ლულათა მყარ ჩაკეტვას პერდეს საკეტი და ქვედა კაუჭები უზრუნველყოფს. სამიზნე სისტემა ბრწყინვალედაა მორგებული აფრიკულ სანადირო პირობებს. სამიზნური(მუშკა) აღჭურვილია დასაკეცი ,,მარგალიტით" რომელიც ბურუსში დასამიზნებლადაა განკუთვნილი. საკონტროლო მისროლა ხორციელდება 80- 100 მეტრში. მისროლისას 100 მეტრზე ცივი ლულით გაფანტვამ შეადგინა 4,3 სმ, ხოლო თბილი ლულით 9სმ. თოფი განთავსებულია მუხის ქეისში. აგრეთვე მოყვება საწმენდი აქსესუარები და საკიდი სარტყელი. ჰამბრუშის თოფს ამშვენებს Kahles Helia CSX 1,1-4×24 -ის ოპტიკა კალაპოტი რაღათქმაუნდა უმაღლესი კლასის ფოლადისაა, რომელსაც დამატებითი სიმყარისათვის გვერდითი სარტელები ამშვენებს. გადასახსნელი ბერკეტი გამჭოლია და ზღაპრული ორნამენტებითაა მორთული. როგორც ზემოთ აღვნიშნავდით ჰამბრუშის თოფის განსაკუთრებულობა HSSS სისტემაშია. ეს სისტემა ავტომატურ შეყენებას მოიცავს იმასთან ერთად, რომ შესაძლებელია ხელით იქნას ჩახმახზე მექანიზმი დაყენებული ან მოხსნილი. ჩახმახებზე ძლიერი დარტყმის შემთხვევაშიც კი გამორიცხულია დასხლეტა, რამეთუ ამ შემთხვევაში ჩაქუჩი ნემსას ვერ მიწვდება. ჰამბრუში იძლევა გარანტიას_ დასხლეტა შესაძლებელია მხოლოდ სასხლეტ კავზე დაჭერისას(!!!) ორმაგი გასროლის ალბათობის აღმოსაფხვრელად ჩამონტაჟებულია დამჭერები. ეს თოფი სრულიად უსაფრთხოდ შეიძლება ვატაროთ შეყენებული ჩახმახებით. სასხლეტი კავები მოოქროვილია. ციტირება Link to post Share on other sites
Gurulo 154 Posted July 24, 2015 Author Report Share Posted July 24, 2015 1752 წელს ფერლახში იოზეფ ჰამბრუშმა დააფუძნა საწარმო, რომელიც დღემდე მხოლოდ ექსკლუზიურ და უმაღლესი კლასის იარაღს აწარმოებს. დაფუძნებიდან დღემდე ფირმა არ გასულა ოჯახის მფლობელობიდან. დღეს მისი მმართველია პეტერ ჰამბრუში, რომელიც დამფუძნებლის მეთერთმეტე შთამომავალია. ფირმა უშვებს 40 სხვადასხვა მოდელს და ყველა მაღგანი ხელითაა ნაკეთები; წელიწადში მზადდება 20-30 ერთეული. თითო თოფის დამზადებას აგვიანდება 5-დან 18 თვემდე. შემკვეთის სურვილისამებრ შესაძლებელია უჟანგი ლულების დამზადება. ამასთან ერთად კომპლექტდება წყვილი გლუვი, წყვილი ხრახნილი და კომბინირებული ლულებით. კონდახები მზადდება შემკვეთის ანთროპოლოგიური მაჩვენებლებით. ნებისმიერი საფირმო ნაკეთობა სპეციალისტების მიერ მაღალ შეფასებას იღებს, ხოლო ჰამბრუშის თოფის ქონა კი კარგი კაპიტალდაბანდებაა. ციტირება Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.