Jump to content
Club-Monadire.Ge

Recommended Posts

B.C. Miroku

 

b9a7164f32c8.jpg

 

 

მიროკუს ისტორია 1893 წლიდან იწყება, როცა კუნძულ სიკოკუზე ქალაქ კოტიში საიარაღო საამქრო გაიხსნა, ამ საწარმოში ძირითადად სანადირო თოფები მზადდებოდა.

მეორე მსოფიო ომის შემდგომ პერიოდში იაპონიის ეკონომიკა საექსპორტო პროდუქციის წარმოებას დაეფუძნა. ამავე მიმართულება აიღო მიროკუმაც, რომელმაც მოწინავე ევროპული პროდუქციის კოპირებას მიჰყო ხელი.

პირველი კოპირებული თოფი გახდა ბელგიური ბრაუნინგის მოდელი Superposed, რომელსაც ამერიკული ბაზარი წარმატებით ჰქონდა მოპოვებული.

იაპონელებმა შეინარჩუნეს ყველა ძირითადი კონსტრუქცია და კვანძი, მხოლოდ ტიბჟირი გახადეს სახსნელი და საკეტის მცირე კორექტირება გააკეთეს.

მოდელი შეიქმნა, მაგრამ ბაზრის სეგმენტის წარმატებით დასაკავებლად საჭირო იყო საიმედო და წარმატებული პარტნიორი. ასეთი პარტნიორი მოიძებნა და ის გახდა ამერიკული სავაჭრო კომპანია Charles Daly , რომელიც იარაღით ვაჭრობის ბიზნესში 1875 წლიდან იყო ჩართული.

1963 წლიდან ამერიკულ ბაზარზე გამოჩნდა მიროკუს ვერტიკალური მოდელი Charles Daly B.C. Miroku და იმთავითვე მოიპოვა კომერციული წარმატება(მისი დამზადება 1976 წლამდე ხდებოდა). ამას განაპირობებდა ის, რომ ხარისხი ბელგიურ საბაზო მოდელ Superposed-ზე ნაკლები არ იყო, ხოლო ფასი კი გაცილებით ნაკლები ჰქონდა(მაგ. Field ვარიანტი 279 დოლარი ღირდა).

იაპონური კოპიები 12 და 20 ყალიბის იწარმოებოდა, ხოლო შესრულების ვარიანტი კი რამდენიმე გააჩნდა. ყველაზე ძვირფასი იყო Diamond Regent, რომელიც მდიდრული გრავირებით და ძვირფასი მეტალების ინკუსტაციით იყო შესრულებული.

 

 

Miroku B. C. Charles Daly

a735c6b569ac.jpg

 

 

Superposed

27adada1c462.jpg

 

კომპანია ,,ბრაუნინგმა" მისი Superposed-ის კლონების წარმატებული გამოსვლის შემდეგ მოლაპარაკებები აწარმოა მიროკუსთან, რაც წარმატებით დაგვირგვინდა და შემდეგი სამი წლის განმავლობაში გამოვიდა ერთობლივი ნაწარმი, ერთლულიანი BT-99. 1972 წელს გამოდის ბრაუნინგისა და მიროკუს ერთობლივი ნაწარმი ლულათა ჰორიზონტალური წყობით BSS, რომელიც 2 ვარიანტით იწარმოებოდა(ბოქსლოქი და საიდლოქი).

 

 

BSS

b2adf3a23d7e.jpg

 

 

ბრაუნინგისა და მიროკუს კავშირები კიდევ უფრო მყარი 1973 წელს გახდა, როცა გამოვიდა მოდელი Citori. ეს მოდელი ძალიან ბევრი მოდიფიკაციით გამოდიოდა და გამოდის. მოდელის დახასიათებისას ექსპერტები გამოყოფენ 3 მთავარ ასპექტს, ესენია: ხელმისაწვდომი ფასი, უდიდესი საიმედოობა და აბსოლიტური ფუნქციონალურობა.

 

Citori

4c1d03aa26cd.jpg

 

ციტორი დღემდე გამოდის და ძალიან მაღალი მოთხოვნილებით სარგებლობს(ამ ცოტა ხნის წინ გამოვიდა 16 ყალიბიანი).

 

1977 წელს მიროკუმ ბელგიურ Fabrique Nationale-თან ერთად შეიძინა კომპანია ,,ბრაუნინგის" აქციების პაკეტი და ლეგენდარული ნახევარავტომატის ,,ავტო-5"-ის წარმოება იაპონიაში გადავიდა.

1988 წლიდან ბელგიური B 125-ის ნაწილები იაპონურ მიროკუში მზადება. 125-ე მოდელს მოყვა 225, 325, 425, 525...

 

 

მორიგი ერთობლივი ნაწარმია 2004 წლის მოდელი Cynerjy, რომელიც სულ უფრო მეტად იპყრობს ბაზარს.

 

Cynerjy

1d971dbfd78a.jpg

 

 

 

 

თანემედროვე ეტაპზე მიროკუ 4 საწარმოს მოიცავს(ყველა განლაგებულია ქალაქ კოტიში), რომლებშიც დანერგილია ტექნიკისა და ტექნოლოგიების უკანასკნელი მიღწევები.

ფირმის პროდუქციის დახასიათებისას ექსპერტები ერთხმად აღნიშნავენ, რომ სანადირო იარაღის სამყარო გაცილებით ღარიბი იქნებოდა იაპონური Miroku-ს გარეშე.

Link to post
Share on other sites
  • 11 months later...

MK38 Sporter Teague

 

5412df905265.jpg

 

,,ლუქს" კატეგორია, ყალიბი 12, სავაზნე 76მმ; სახსნელ ჩოკებზე; ერთ სასხლეტზე; წონა 3,5 კგ; კარგი ბალანსით; პისტოლეტური ტიპის კონდახი მაღალი ხარისხის კაკლისაგან მზადდება. ფასი 2600 ევრო.

 

ერთადერთი რაც არ შეესაბამება პრემიუმ კლასს ესაა, რომ თოფი განთავსებულია მუყაოს კოლოფში :hi3:

 

 

75dd90c2dd3f.jpg

 

71f015ec2c0c.jpg

Link to post
Share on other sites

მაგარია!!!იყოს მუყაოს კოლოფში,იყოს!!!!!! :d030:

 

მაგარი პრაქტიკული ხალხია ეს იაპონელები, მაგათ ყუთის გაკეთება არ შეეშლებათ და ბარხატსაც იშოვნიან როგორმე, მაგრამ მაგ სიამოვნება სადღაც 400ევრომდე მიარტყავს და თოფის ფასიც აიწევს.

ისე, ვისაც მაინცადამაინც ყუთით უნდა და გადამხდელია, არა მგონია უარი უთხრან.

 

კაი, მეც თანახმა ვარ მუყაოს ყუთზე, გამოუშვით ორლულიანი ვერტიკალი, ოღონდ 12-იანი, დიდძალი ამუნიცია დაგროვდა, ხომ უნდა გასაღება. :haha:

Link to post
Share on other sites

Join the conversation

You can post now and register later. If you have an account, sign in now to post with your account.

Guest
უპასუხეთ თემას

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
  • Recently Browsing   0 members

    No registered users viewing this page.

×
×
  • Create New...