Gurulo 154 Posted June 22, 2012 Report Share Posted June 22, 2012 A.A. Brown & Sons ბევრი სხვა დიდი ოსტატისაგან განსხვავებით ალბერტ არტურ ბრაუნს არ გაუვლია ცნობილი კომპანიებისა და მასწავლებლების სკოლა. შეიძლება ითქვას, რომ ბრაუნი სწავლობდა სახლში_მამამისი ჯონ ჯოზეფ ბრაუნი გახლდათ იარაღის ოსტატი, რომელიც სახლის პირობებში ასრულებდა ბრიტანული კომპანიების შეკვეთებს. ეს კომპანიები გახლდათ Webley Scott, Birmingham Small Arms (BSA) და W. W. Greener. საკუთარი საქმე ბრაუნმა ისეთ დროს დაიწყო, როცა მძვინვარებდა საბირჟო კრიზისი და დიდი ეკონომიკური დეპრესია. უმაღლესი ხარისხის იარაღზე მოთხოვნილება საგრძნობლად შემცირდა, მაგრამ ა.ა. ბრაუნი თვლიდა, რომ მაღალი ხარისხის ნაკეთობას ნებისმიერ დროს ეყოლება მყიდველი! როცა საკუთარი ძვირადღირებული შეკვეთები არ ქონდა, ამ დროს გრინერისაგან მოწოდებული შეკვეთებით გაქონდა თავი. მისი დღევანდელი სახელი ფირმამ მიიღო მეორე მსოფლიო ომის დაწყებამდე ცოტა ხნით ადრე, როცა საწარმოში მოვიდნენ დამფუძნებლის შვილები_ ალბერტ ჰენრი და სიდნეი ჩარლზი. მეორე მსოფლიო ომის პერიოდში საწარმო საბოლოოდ დადგა ფეხზე. ომის შემდგომ ფირმამ პნევმატური იარაღის წარმოებაც სცადა, თუმცა მისი მაპროფილებელი მიმართულება მაინც სხვა კომპანიებზე მუშაობა გახლდათ. 50-იან და 60-იან წლებში ფირმა აწარმოებდა თოფებს ისეთი გრანდებისათვისაც, როგორიცაა Holland & Holland და E. J. Churchill. რადგან ბრაუნს მაღალი რეპუტაცია გააჩნდა მას უკვეთავდნენ ძალიან საპასუხისმგებლო დეტალებსა და კვანძებს. ამავე დროს ფირმა თავიდან ბოლომდეც ამზადებდა ნაკეთობებს. მაგალითად ვესტლი რიჩარდსი, რომლის პროდუქციის უმრავლესობა ენსონ-დილეის საკეტებზეა, 14 წლის განმავლობაში უკვეთავდა ბრაუნს საიდლოკებს!!! შესაძლებელია, რომ ბრაუნი ამ წლებში საერთოდ არ აწერდა პროდუქციას საკუთარ სახელს, მაგრამ ამასთან სხვა ფირმებისათვის მუშაობამ ძნელ პერიოდში გადაარჩინა ფირმა. საბოლოოდ 70-იანი წლების დასაწყისში ბრაუნმა მიიღო გადაწყვეტილება მხოლოდ საკუთარი სახელით ეწარმოებინა პროდუქცია და მალევე საფირმო წარწერამ მოიპოვა პოპულარობა. A.A. Brown & Sons-ის საიარაღო კლასიკაა ჰორიზონტალური მოდელი Supreme Deluxe. თუ მექანიკის კუთხით ეს თოფი იმეორებს ჰოლანდის როიალს, სამაგიეროდ გარეგანი ფორმებით ძალიან ორიგინალურია, განსაკუთრებით კონდახის მხრივ. დიზაინი და გრავირების სტილი ინდივიდუალურია და ჩაყრილი აქვს საფუძველი 40 წლის წინათ ოსტატ ლეს ჯონსონის და ქეიტ ტომასის მიერ. თავისი პირველი გამოსვლიდან მოყოლებული Supreme Deluxe მზადდება მხოლოდ სიდნეი ბრაუნის, მისი შვილის რობინისა და კიდევ ერთი ოსტატის, ჰაროლდ სკანდრეტის მიერ. ახლა ძველი ოსტატები(სიდნეი და სკანდრეტი) წარმოებიდან წავიდნენ და ისინი შეცვალა ახალმა თაობამ. თოფები იწარმოება 12, 16, 20, 28 და 36 ყალიბებისა, სამ სხვადასხვა წონაში_ მსუბუქები სანადიროდ და მძიმეები სპორტისათვის. სალულე ფოლადი EN24 მარკისაა, ხოლო სიგრძე 25-დან 30 დიუმამდე მერყეობს. ლულები მზადდება ტრადიციული ტექნოლოგიით. კალაპოტი და კონდახი მომრგვალებული ფორმისაა(შეკვეთით შესაძლებელია სხვა ფორმებიც). კალაპოტი ფოლადისაა, საკეტები ჰოლანდის, მცველი ავტომატური, სასხლეტები ცალი ან ორიანი(ერთიანები გრინერის კონსტრუქციის მიხედვით). Supreme Deluxe 12,16 და 20 ყალიბში ჰოლანდის მექანიზმით ღირს 32 ათასი გირვანქა სტერლინგი. თვითგადახსნის(იხილეთ ,,საკეტებისა და მექანიზმების" თემაში) ფუნქცია თუ არ გნებავთ, მაშინ ასეთი თოფი 1000 გირვანქა სტერლინგით ნაკლები დაგიჯდებათ. 28 და 36 ყალიბის თოფი ღირს 35 ათასი გირვანქა. თუ ტყუპებს შეუკვეთავთ დამატებითაა გადასახდელი თითოზე 1250 გირვანქა სტერლინგი. გრავირების ფასი 3500-დან 6000 გირვანქა სტერლინგამდე. გრავირებისა და სირთულის შესაბამისად შეკვეთის დასრულებას აგვიანდება დაახლოებით 3 წელი. მთელი ამ ხნის განმავლობაში შემკვეთს რეკომენდაციას უწევენ შეიაროს საწარმოში, რათა პერიოდულად ნახოს როგორ მზადება მისი შეკვეთა. დედოფალი ელიზავეტას საიუბილეო ტყუპები(ახლახანს ანტიკვარიატებში გვქონდა საუბარი) ციტირება Link to post Share on other sites
Gurulo 154 Posted December 13, 2012 Author Report Share Posted December 13, 2012 ფასი: 15000-20000 გირვანქა სტერლინგი ციტირება Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.